ඔබත් ජංගම දුරකථනය washroom එකට අරන් යනවද? එහෙනම් මේක අනිවාර්යයෙන්ම කියවන්න
21,178 Views
ගොඩක් අය smart phone එකට හරියට ඇබ්බැහිවෙලා. ඒ නිසාම අද කාලේ ගොඩක් අය පුරුදුවෙලා ඉන්න දෙයක් තමයි washroom යද්දිත් හැමවෙලේම phone එක අරන් යන්න. හැබැයි ඔයා දන්නවද ඔයා ඒ විදිහට washroom යද්දි phone එක අරන් යන එක ඔයාගේ කායික වගේම මානසික සෞඛ්‍යටත් දැඩි ලෙස බලපාන බව.
හානිකර බැක්ටීරියා
වැසිකිළියට වඩා අපේ smart phone එක අපිරිසිදු බව නවතම පරීක්ෂණයකින් හෙළි වී තිබෙනවා. ඔයා washroom යද්දී phone එක අරන් යනවා කියන්නේ, මත සිරුරට අහිතකර බැක්ටීරියා රැඳෙනවා කියන එක. මේ සම්බන්ධයෙන් සිදු කර ඇති පරීක්ෂණයට අනුව විශේෂයෙන්ම E. coli නම් බැක්ටීරියා මෙලෙස phone එක මත රැඳී ඇති බව සොයාගෙන තිබෙනවා.එම බැක්ටීරියාව ආහාර විෂවීම වගේ බඩවැල්ආශ්‍රිත ගැටළු වලට ගොඩක් හේතු වෙනවා. හැබැයි washroom එකේ තියෙන්නේ මේ බැක්ටීරියාව විතරක් නෙවෙයි කියලත් මතක තියාගන්න.
අර්ශස් වලට ගොදුරු වීමේ අවස්ථාව වැඩියි
ඔයා වැසිකිළිය සඳහා වැය කරන කාලය තුළදී ඔයා අවයව මත වැඩි කාලයක් පීඩනය යෙදීම නිසා මේ තත්වය ඇති වෙන්නේ. මේ ගැන තහවුරු කර ගැනීම සඳහා පර්යේෂණ පවා පවත්වලා තිබෙනවා. ඒ අනුව වැසිකිළියට යද්දී phone එක අරන් යන අයට අර්ශස් රෝගයට ගොදුරු වීමේ අවදානම වැඩි බවයි අනාවරණය වෙලා කරගෙන තිබෙනවා.
ශ්‍රෝණි තලයේ අක්‍රියතාවයන් ඇති කරයි
වැසිකිළියේ දීර්ඝ කාලයක් ගත කිරීම ඔයාගේ මාංශ පේශි ගැටළු ඇති කරනවා. විශේෂයෙන් බඩවැල්, මුත්‍රාශය සහ යෝනි මාර්ගය වගේ අවයව පහළට පහත් වී ඔයාගේ ශ්‍රෝණි තලයේ අක්‍රියතාවයන් ඇති වෙන්න පුළුවන්. ඒකට හේතු වන්නේ දිග කාලයක් වැසිකිළියේ ඉඳගෙන ඉද්දී සිටින ඔයාගේ ඉරියව්වයි.
සිතීමේ හැකියාව සීමා කරයි
phone එක ඔයාගේ චින්තනයට බාධා ඇති කරනවා. phone එකක් භාවිතා නොකරන අවස්ථා වලදී හෝ ඒවා off කරලා තිබෙන වෙලාවල් වලදී ඔයා කාර්යයක් සාර්ථකව නිම කර ගැනීමේ හැකියාව වැඩි වෙනවා. ඒ නිසා දුරකථනය භාවිතය සීමා කර ඔයාගේ මනසට අත්යවශ්ය වන නිදහස ලබා ගන්න. ටික වෙලාවකට හරි phone ඈත් වෙලා තනිවම කාලය ගත කිරීම සුදුසුයි. ගොඩක් දෙනෙකුගේ සිතීමේ හැකියාව වැඩි වෙන්නේ washroom එකේදී. ඒ නිසා washroom යද්දී phone එක රැගෙන යාමෙන් වළකින්න.
smart phone එක නැතිව වෙන කිසිම වැඩක් කරන්න බැරි තරමටම හැමෝම දැන් අසරණයි. හැබැයි ඔයාගේ මනසටත්, ගතටත් පුංචි හෝ නිදහසක් දෙන්න. එවිට නිරෝගීව සතුටින් ඔයාට ජීවත් වෙන්න පුළුවන්.
(උපුටාගැනීම behappy)
