මහපට ඇඟිල්ලේ ඉදිමීම නිසා ඇතිවන වේදනාව පැය 24න් සුව කරගන්න ක්‍රම 8 ක්
2,962 Views
කකුලේ මහපට ඇඟිල්ල ඉදිමීමේ තත්වය බනියන (Bunions) ලෙස හඳුන්වයි. මෙය වැඩිහිටියන්, විශේෂයෙන්ම කාන්තාවන් අතරේ බහුලව හඳුනාගත හැකි තත්වයකි. මේ තත්වය හටගන්නේ අඩි උස සෙරෙප්පු පැළඳීම නිසාම නොවේ. ජානමය බලපෑම් නිසා ද එවැනි තත්වයන් ඇතිවිය හැකියි.නමුත්, ඉතින් අඩි උස සෙරෙප්පු පැළඳිමෙන් බනියන තත්වය තවත් දරුණු අතට හැරෙන්න තිබෙන ඉඩකඩ වැඩියි.
මෙම තත්වය වේදනා-කැක්කුම් ඇතිකරමින් එම පුද්ගලයින් හට අපහසුතා ඇතිකරනවා පමණක් නොව දෛනික ජීවිතයේ කටයුතු වලටත් බාධා ඇතිකරයි. මේ තත්වය සැත්කමකින් සුව කරගත හැකිය. කකුල් වල මෙවැනි තත්වයක් හටගැනීම සැමවිටම වැළැක්විය හැකි දෙයක් නොවෙයි. එසේ වුවද මෙම ආබාධය සුවපත් කරගැනීමට පහසුවෙන්ම ඔබට ගෙදර සිටම උත්සාහ කල හැකි ක්‍රම කිහිපයක් තිබේ.
ටෙනිස් බෝලයක් භාවිතා කරමින් පාදයට ව්‍යායාම ලබාදෙන්න
මෙය ඉතා සරල ව්‍යායාමයකි. ටෙනිස් බෝලයක් බිම තබා බනියනය සහිත කකුලෙන් එය ඉදිරිපසට-පි‍ටුපසට රෝල් කරවන්න. එක් කකුලකට මිනිත්තු 5ක් බැගින් කකුල් දෙකටම මෙම ව්‍යායාමය ලබාදිය හැකිය.එනම් බනියනයක් වර්ධනය වී නැතත්, අනෙක් කකුලට ද එසේ ව්‍යායාම ලබාදිම සිදුකළ හැකිය.මාංශ පේශී පෙරළීම් නිසා ඇති වන අපහසුතාවන් සමනය කරමින් දෙපතුල් වලට සැහැල්ලු බවක් ලබාදෙයි.
කකුලේ ඇඟිලි වලින් තුවාය ඇහිදීමට උත්සහ කරන්න
කකුලේ ඇඟිලි වලින් බිම ඇති තුවායක් හෝ රෙදි කැබැල්ලක් ග්‍රහණය කිරීමට උත්සාහ කිරීම තවත් ඵලදායි සරල ව්‍යායාමයක් ලෙස හැඳින්විය හැකියි.ඇඟිලි වලින් එය අල්ලාගෙන, ඇඟිලි ආධාරයෙන් පමණක් තුවාය හෝ රෙදි කැබැල්ල ඔබ වෙතට ඇදගැනීම සිදුකරන්න.වාර 5ක් බැගින් යළි ව්‍යායාමය සිදුකරන්න. සිටගෙන හෝ ඉඳගෙන ද මෙම ව්‍යායාමය කළ හැකියි. මෙසේ කකුල් වල ඇඟිලි චලනය කරවීමේදි ඒවායේ නම්‍යශීලී බව වැඩි වීම වගේම ඔබේ දප්තුල් ශක්තිමත් වීම ද සිදුවේ.
විලුඹ ඉහළට ඔසවන්න
දණහිස් වලින් මදක් නැවී ඇති සේ සිටගත් ඉරියව්වෙන් මෙය අරඹන්න.දෙවනුව, සිරුරේ මුළු බර ඔබේ කකුල් වල ඇඟිලි මතට පැටවෙන සේ සෙමින් කකුල් වල විලුඹ ප්‍රදේශ ඉහළට ඔසවන්න.මෙය ඉතා වේදනාකාරී හා අපහසුතාවට පත්වන චලනයක් විය හැකි අතර සෙමින් සෙමින් උත්සහ කිරීම වැදගත්ය. කාලයක් ගත වන විට, ඔබේ කකුල් වල ඇඟිලි මාංශ පේශී ශක්තිමත් වනු ඇති අතර, මහපට ඇඟිල්ලේ ඉදිමීමේ තත්වය යළි වර්ධනය වීම බොහෝවිට නවතිනු ඇත.
හැකි සෑම විටම වැලි තලාවක් මත ඇවිදින්න
මුහුදු වැල්ල හෝ වැලි බිමක් මත ඇවිදීම ඔබේ දෙපතුල් වලට හොඳ සම්බාහන සත්කාරයක් සපයයි. ඉන් ඔබේ කකුල් වල ඇඟිලි සහ යටි පතුල් ලිහිල්වීම සිදුවෙනවා පමණක් නොව, ඒවා ශක්තිමත් වීමට ද සහය ලැබෙයි.බනියන හේතුවෙන් ආර්තරයිටීස් රෝගයෙන් පීඩා විඳින අය සඳහා මෙම ක්රමය ඉතා ප්‍රයෝජනවත් බව සඳහන් වේ.
උණුසුම් සහ සීතල වතුර බේසම් වල කකුල ඔබාගෙන සිටින්න
විඩාබර දවසක අවසානයේ , පීඩාවට පත් වූ ඔබේ දෙපා වලට එප්සම් ලුණු මිශ්‍ර උණුසුම් ජලය භාවිතා කරමින් සත්කාරයක් ලබාදෙන්න. බේසම තුලට කකුල් දැමූ විට වළලුකර ප්‍රදේශය තෙක් පිරෙන සේ උණුසුම් ජලය එකතුකරගන්න.එයට එප්සම් ලුණු කෝප්ප බාගයක් පමණ දියකරගන්න. මිනිත්තු 10-15ක් පමණ මෙම ජලයේ ඔබේ කකුල් පොඟවාගෙන සිටින්න. රෑ නින්දට පෙර සීතල වතුරේ මිනිත්තු 10ක් පමණ කකුල් පොඟවාගෙන සිටින්න. මෙම සත්කාරයෙන් කකුල් වල ඉදිමුම සහ ප්‍රදාහය අඩුවීයයි.
රාත්‍රි නින්දේදී ස්ප්ලින්ට් (splint) එකක් පැළඳගෙන සිටින්න
කකුලේ පළමු හා දෙවන ඇඟිලි එකිනෙක ගැටීම වැළැක්වෙන , හා ඇඟිලි අතර පීඩනය අඩුකරවන ආකාරයේ සැකැස්මක් ඇති පැළඳුමකි. නිදාගෙන සිටින විට මෙය පැළඳගෙන සිටිය හැක. මින් බනියන වර්ධනය වීමේ ගැටළුවට විසඳුමක් නොලැබුණ ද , ඒවා නිසා ඇතිවන වේදනාව හා අපහසුතාව අඩුකිරීමේ හැකියාව මේවාට ඇත.
ඔබේ දෙපතුල් ඔලිව් තෙල් ගල්වමින් සම්බාහනය කරන්න
දිනකට වරක් හෝ දෙවරක් පමණ දෙපතුල් සම්බාහනය කිරීම කකුලේ ඇඟිලි වල නම්‍යශිලීබව වැඩිදියුණු වීමට ප්‍රතිලාභ දේ.ඔලිව් තෙල් මේස හැන්දක් පමණ රත්කරගන්න. තෙල් කකුලේ ඇඟිලි, සන්ධි මත ගල්වා සියුම්ව මිනිත්තු 15ක් පමණ කාලයක් හොඳින් සම්බාහනය කරන්න.මින් ඔබේ දෙපා වල රුධිර සංසරණය සම්බන්ධයෙන් ද හිතකර වෙනස්කම් ඇතිවේ. ඔලිව් තෙල් භාවිතයෙන් දෙපතුල් සම්බාහනය කිරීමෙන් කකුලේ ඇඟිලි පහසුවෙන් හැසිරවීමට හැකිවේ.
කහ ආලේප කරන්න
වේදනාව හා ප්‍රදාහය සමනය කිරීම සඳහා භාවිතා වන ක්‍රීම් ඖෂධ වල ප්‍රධාන අමුද්‍රව්‍යයක් ලෙස ‘කැප්සයිසින්’ අන්තර්ගත වේ. වදකහ වල ද මෙම සංඝටක අඩංගු ය. බනියන ආශ්‍රිතව ඇතිවන වේදනාව අඩුකරගැනීම සඳහා වදකහ පේස්ට් එකක් ලෙස සකසා භාවිතා කළ හැක. වදකහ වලට ජලය ස්වල්පයක් මිශ්‍ර කර බලපෑමාට් ලක්වී ඇති ප්‍රදේශයේ ගල්වන්න. බැන්ඩේජ් කර රාත්‍රිය පුරා තිබෙන්නට හරින්න.
*ඉහත සඳහන් ප්‍රතිකාර ක්‍රම උත්සාහ කිරීමට පෙර වෛද්‍යවරයෙකුගේ උපදෙස් ලබාසිටීම වඩාත් සුදුසු වේවි.
පාවහන් මිලදී ගැනීමේදී…
මහපට ඇඟිල්ල ඉදිමී තිබීමේ තත්වයෙන් පීඩා විඳින ඔබ සපත්තු මිලදී ගැනීමේදි ඔබේ දෙපා වලට සුදුසු වර්ගයේ ඒවා තෝරාගැනීමට සැළකිලිමත් වීම ඉතා වැදගත්ය.
අඩි උස සෙරෙප්පු පැළඳීමෙන් මේ තත්වය තවත් දරුණු අතට හැරෙන්නට ඉඩ තිබේ. ඒ නිසා, ඒවා පැළඳීම අවම කිරීම සුදුසුයි.ඒවා පැළඳීමේදී කකුලේ ඇඟිලි පැත්තකට තෙරපීම සිදුවන අතර වේදනාව වැඩිවෙයි.ඉතිරිපස කොටස වඩාත් පළල සැකැස්මක් ඇති පාවහන් තෝරාගන්න.එවිට ඇඟිලි නිදහසේ තබාගැනීමට ඉඩකඩ ලැබේ.අමතර ආධාරකයක් ලබාදෙන බැවින් රබර් අඩි සහිත ඒවා වඩාත් සුදුසුයි.
රබර් සෙරෙප්පු, ස්ට්‍රෙච් වන ලෙදර් වලින් සැකසූ සපත්තු හා මෙෂ් වැනි අමුද්‍රව්‍යයෙන් සැකසු ඒවා බනියන වලින් පීඩා විඳින අයට වඩාත් ගැලපේ.බනියන මත ඇතිල්ලෙන, ඝනකම්, රළු අමුද්‍රව්‍ය වලින් සකසා ඇති පාවහන් පැළඳීමෙන් ඒ ආශ්‍රිත වේදනාව දැඩි විය හැකියි.
(උපුටාගැනීම අන්තර්ජාලයෙන්)
