ආතරයිටිස් සහ කොලෙස්ටරෝල් සුව කරන වට්ටක්කා ඇට
6,266 Views
එළවළු අතරින් වට්ටක්කා කියන්නේ අපේ සිරුරට ඉක්මනින් ශක්තිය ලබාදෙන ආහාරයක්. නමුත් අපේ ගෙවල් වල ආහාර පිසින විට අපි ප්‍රයෝජනයට ගන්නේ වට්ටක්කා කැබලි පමණයි. එහි ඇට ටික අපි ඉවත දමනවා. නමුත් ඔබ දන්නවද වට්ටක්කා ඇට වලින් ඔබේ සිරුරට ලැබෙන ප්‍රයෝජන.අද අපි ඔබට කියලා දෙන්න යන්නේ වට්ටක්කා ඇට ආහාරයට ගැනීමෙන් ඔබට ලැබෙන ප්‍රයෝජන ගැන. මේ නිසා ඔබ ඊලග දවසේ වට්ටක්කා උයන විට ඇට ටික වෙනම අයින් කරගෙන හොදින් සෝදා වියලාගෙන අරන් තියාගන්න. මෙය ඔබට දිනපතා ආහාරයට ගන්න පුළුවන්. හරියට රටකජු කනවා වගේ. මොකද වට්ටක්කා ඇට වලින් එන්නේ ආහාරයට ගන්න හිතෙන ආකාරයේ කිරි රසක්.ඔබට හොද නින්දක් ලබාදෙනවා ඔබත් නිදා ගැනීමේ අපහසුතාවයකින් පෙළෙනවා නම් රාත්‍රියට නින්දට යාමට පෙර වට්ටක්කා ඇට කිහිපයක් ආහාරයට ගන්න. වට්ටක්කා ඇට වල අඩංගු වෙන ඇමයිනෝ අම්ලය, tryptophan ඔබට උදවු වෙනවා සුව නින්දක් ලබාගන්න.
ආතරයිටිස් වැනි තත්වයන් නිසා ඇතිවෙන වේදනාවන් වලට සහනය ලබාදෙනවා මෙවැනි රෝග වලට අපි ලබාගන්න යම් යම් ඖෂධ වර්ග වලින් අතුරු අබාධ ඇතිවීමට ඇති ඉඩ කඩ ඉතා වැඩියි. නමුත් වට්ටක්කා ඇට ආහාරයට ගැනීමෙන් ඔබට කිසිම අතුරු අබාධයක් නොමැතිවම මෙවැනි රෝග සදහා සහනයක් ලබාගත හැකියි. ඔබේ රුධිරයේ අඩංගු සීනි මට්ටම සමාන අගයක පවත්වාගෙන යා හැකියි.වට්ටක්කා ඇට ආහාරයට ගැනීමෙන් ඔබට පුළුවන් ඔබේ සිරුරේ පැවතිය යුතු සීනි මට්ටම හැමදාමත් සමාන මට්ටමක පවත්වාගෙන යන්න. ඒ වගේම එය ඔබට බර අඩුකර ගැනීමටත් හැම දවසකම නිරෝගීව ඉන්නත් අවස්ථාව ලබාදෙනවා.
ඔබේ හදවතේ නිරෝගී බව ආරක්ෂා කරනවා වට්ටක්කා ඇට වල අඩංගු වෙන මැග්නීසියම් වලින් ඔබේ නිරෝගී බවට විශාල පිටුවහලක් ලැබෙනවා. අධික රුධිර පීඩනය පාලනය කරමින් හදවත් අකර්මන්‍ය වීම් වගේම ආඝාතය වැනි තත්වයන්ගෙනුත් ඔබව ආරක්ෂා කරනවා. ඔබේ කොලෙස්ටරෝල් මට්ටම පාලනය කරනවා වට්ටක්කා ඇට වල අඩංගු වෙන phytosterol සංයෝගය මගින් ඔබේ රුධිරයේ අඩංගු වෙන අහිතකර කොලෙස්ටරෝල් අඩු කරනු ලබනවා. සුර්යකාන්ත ඇට වලට පසුව වැඩිම phytosterol සංයෝගයක් අඩංගු වෙන්නේ වට්ටක්කා ඇට වලයි.
ප්‍රතිශක්තිය වර්ධනය-වට්ටක්කා ඇට යනු විශාල සින්ක් ගබඩාවකි. Zn මනුෂය ශරීරය සදහා විවිධාකාරයෙන් වැදගත් වේ. එනම් ප්‍රතිශක්ති වර්ධනය,සෛල වර්ධනය හා බෙදීම, නින්ද මනෝභාවයන් පවත්වා ගැනීම, රස හා ඝ්‍රාණ සංවේදනය, අක්ෂි හා චර්ම නිරෝගිතව, ඉන්සියුලින් යාමනය හා පුරුෂ ලිංගික ක්‍රියාවන් ආදියයි. ශාකමය ඔමේගා -3 මේදය වට්ටක්කා ඇට ශාකමය ඔමේගා -3 මේදය Alpha-linoletc acid (ALA) ප්‍රධාන ප්‍රභවයකි.
පුරස්ථි ග්‍රන්ථියෙහි නිරෝගිතව-වට්ටක්කා ඇට පුරස්ථි ග්‍රන්ථියේ සෞඛ්‍ය පවත්වා ගැනීමට වැදගත් වන අතර පුරස්ථි ග්‍රන්ථියේ විශාල වීම (Benign prostatc hyperplasts) සදහා ප්‍රතිකාරයක් ලෙසද යොදා ගනී. වට්ටක්කා ඇට පුරස්ථි ග්‍රන්ථියේ අරක්ෂාව සදහා වැදගත් වන Phytosterol නම් සංඝටකයක් ඇත. එමගින් පුරස්ථි ග්‍රන්ථියේ හකුලවාලීම කරනු ලැබේ. එමෙන්ම ටෙස්ටෙස්ටරෝන්, ඩයිහයිඩ්‍රොටෙස්ටොස්ටරෝන් බවට පරිවර්තනය කීරිම වළකනු ඇත. එමගින් ද ඇට පුරස්ථි ග්‍රන්ථියේ විශාල වීම වැළකේ.
ආර්ථවහරණය වු කාන්තාවන් සඳහා බලපැම .වට්ටක්කා ඇට ස්වභාවික phytoestrogen වලින් පොහොසත් ද්‍රව්‍යයකි. HDL කොලොස්ටරෝල් ප්‍රමාණය වර්ධනය කිරීම .රුධිර පීඩනය , මානසික ආතතිය, සන්ධි වේදනා ක්ෂණිකව වන ශාරීරික උෂ්ණත්වය ඉහළ යාම සහ අනෙකුත් පශ්චාත් ආර්ථවහරණ සංකුලතා අවම කිරීම මෙම phytoestrogen මගින් කරනු ලැබේ .
හෘදයේ සහ අක්මාවේ සෞඛ්‍ය-වට්ටක්කා ඇට ඔමේගා 3 සහ ඔමේගා 6 මේද අම්ල ප්‍රතිඔක්සිකාරක හා තන්තු වලින් බහුල වු ද්‍රව්‍යයකි . මෙම රසායනික සංඝටකයන්ගේ සංකලනය හෘදය හා අක්මාව සදහා හිතකර වේ.තන්තු මගින් රුධිර කොලොස්ටරෝල් මට්ටම අඩු කරන අතර එමගින් හෘද රෝග ඇතිවීමේ අවදානම අඩු කරයි . ඔමේගා 3 මේද අම්ල මගින් රුධිර කැටි ඇති වීම හා හෘද ස්පන්දන විෂමතා ඇතිවීමේ අවදානම අඩු කරයි . එමගින් හෘදයාබාධ ,ආසාත,ක්ෂණික හෘද අක්‍රිය වීම ඇතිවීම වළකයි. එමෙන්ම රුධිර LDL මට්ටම සහ සම්පූර්ණ කොලොස්ටරෝල් මට්ටම අඩවීම ,රුධිරනාල වල කැටි සෑදීම අඩු කිරීම , අන්තශ්ජද ක්‍රියාවලින් මර්ධනය කිරීම සහ රුධිර පීඩනය තරමක් දුරට අඩු කිරීම ඔමේගා 3 මගින් කරනු ලැබේ .
ප්‍රදාහය වලක්වා ගැනීම-වට්ටක්කා ඇට වල අඩංගු තෙල් ශරිරයේ ප්‍රදාහය එනම් ඉදිමුම සුව කිරිමට බලපාන බව සොයාගෙන ඇත. එය ප්‍රති ප්‍රදාහ ඖෂධයක් වන indomethacin ආකාරය ක්‍රියා කරන අතර එනමුත් indomethacin මගින් ඇති කරන අතුරු ආබාධ මෙයින් ඇති නොවේ
ගුණදායී වට්ටක්කා ඇට නාස්ති නොකර අලුත් විදියට කෑමවේලට එකතුකරගමු. වට්ටක්ක ඇට කියන්නෙ, තන්තු, හිතකර මේදය, ප්‍රෝටීන, විටමින් K, පොස්පරස්, මැග්නීසියම්, මැංගනීස්, යකඩ ආදී පෝෂ්‍යපදාර්ථයන්ගෙන් අනූන සෞඛ්‍යයට ඉතාමත් ගුණදායී ආහාරයක්. ප්‍රතිඔක්සිකාරක බහුල වට්ටක්කා ඇට පිලිකා වගේම හදවත් රෝගවලින් වැලකී සිටින්නත් උපකාරීවෙනව.අපි සාමාන්‍යයෙන් දන්නෙ වට්ටක්ක ගෙඩියෙ ඇටටික සෝදල වේලල පොත්ත සුද්දකරන් කන්න ඕන කියල විතරනෙ. ඒනිසා කොච්චර ගුණ උනත් කෑමට සකස්කිරීමට වැයවන කාලය නිසාම අපි කෑමට එකතුකර ගන්නව අඩුයි. ගෙවත්තේ වසවිසෙන් තොරව හදාගන්නා වට්ටක්කා ගෙඩියේ ඇට ටික මම කෑමට එකතුකර ගන්නා සරල පහසු විදියයි මේ…
වට්ටක්කා ඇට සුප්-වට්ටක්ක ගෙඩියෙ ඇට සමග ඉවත්කරන මැදකොටස වතුර ටිකක් එකතුකරල හොඳට බ්ලෙන්ඩ් කරගෙන පෙරාගන්න. ඉන්පසු අපිට මෙය සුප් එකක් සෑදීමේදී එකතුකල හැකියි. මම ඒ විදියට ගෙදර සකස්කල එළවළු සුප් ජ්‍යාරූප වල තියෙනව. ඔබත් උත්සාහකර බලන්න, හරිම රසයි, ගුණයි.මීට අමතරව ගෙදරට ගේන වට්ටක්කා ගෙඩියේ ඇට ටික ලොකු ගෙවත්තක් නැතිඅයට පෝච්චියක හරි පැලකරල, වට්ටක්කා දළුපැල (pumpkin sprouts) හදාගෙන පලා මැල්ලුමකට හෝ සුප් එකකට උනත් එකතුකර ගන්න පුලුවන්. පැසුනු වට්ටක්කා ඇට දවස් කිහිපයකින් හරිම පහසුවෙන් පැලවෙනව. ඒකනිසා වැලක් නඩත්තුකිරීම අපහසු උනත් මේ දළු පැල ගෙදර සකසාගැනීම මහල් නිවාසයක සිටින කෙනෙක්ට උනත් නිවස තුළම කරන්නත් පුලුවන්.අදින් පසුව අපි පෝෂ්‍ය ගුණයෙන් අනූන වට්ටක්කා ඇට කුනුකූඩයට නොදා අපේ ආහාරවේලට එකතුකරගමු.
(උපුටාගැනීම අන්තර්ජාලයෙන්)
