මුහුණෙහි රැලි වැටීම් නැතිකර තරුණ පෙනුම රැක දෙන සුදුළූණු වල ඇති ඔබ නොදත් ගුණ
28,973 Views
බේක් කළ සුදුළූණු බික් කීපයක් එකවර ආහාරයට ගතහොත් ඔබට කුමක් සිදුවේදැයි ඔබ දන්නවාද? සැකයක් නෑ. පැය24 ක් ඇතුළත ඔබේ සිරුර ඇතුළත ගැඹුරු පිරිසුදු කිරීමකට ලක්වෙනවා. එතරම්ම ශක්තිමත් ලෙස ක්‍රියාත්මක වීමේ අපූරු හැකියාවක් සුදුලූනු වලට තිබෙනවා. ඉතින් බලමුද එමගින් අපේ සිරුරට උදව් ලැබෙන්නේ කවර ලෙසද කියා..
කොලෙස්ටරෝල් මට්ටම යහපත්ව තබා ගැනීමෙන්, ධමනි පද්ධතිය පිරිසිදුකර, හෘද රෝග අවදානමෙන් මුදාගැනීමෙන්, රුධිර පීඩනය සුදුසු අඩු මට්ටමක තබා ගැනීමෙන්, ප්‍රතිශක්තිකරණ පද්ධතිය සවිමත්ව තබාගැන්මෙන්, අස්ථි ශක්තිමත් කිරීමෙන්, විඩාපත් දුබල ගති අඩුකිරීමෙන්, ශාරීරික යෝග්‍යතා වර්ධනයෙන්, සිරුරේ සෛල දිගුකල් පවත්නාසේ වර්ධනය කිරීමෙන් සුදුලූනුවල මේ සුවිශේෂ කාර්ය භාරය නිසා අපේ නිරෝගී භාවයට මං පෙත් විවරවෙනවා.
සුදුළූණුවල ඉතිහාසය පිරමිඩ් යුගය දක්වාත් දිවෙන්නක්. පිරමීඩ තැනීමේදි ඖෂධයක් ලෙස සුදුලූනු යොදාගත් බවට සඳහන් දක්නට ලැබෙනවා. 1858 දී එය විෂබීජ මර්දකයක් සේ යොදා ගැනුණා. පසු කාලීනව සුදුළූණු ආශ්‍රිතව නොයෙකුත් පර්යේෂණ කෙරුණු අතර ඉන් ශරීර සුවයටත් රෝග නිවාරණයටත් ලද හැකි විස්මිත පල ප්‍රයෝජන අනාවරණය වුණා. එය විස නාශකයක් මෙන්ම වේදනා නාශකයක් අසාත්මිකතා නාශකයක් හා ආහාර රුචිය වඩන්නක්ද වෙනවා. විටමින් B C කැල්සියම් පොටෑසියම් මැග්නීසියම් සිලේනියම් ආදි පෝෂක ගණනාවක් සමග අඩංගුව ඇති ඇලිසින් සල්පර්, සුදුළූණුවල සුවිශේෂ ශක්තියක්. ඒවායින් සවිමත් වන සුදුළූණු ප්‍රති වයිරස්, ප්‍රති බැක්ටීරියා, ප්‍රති ඔක්සිකාරක, ගුණවලින් පූර්ණයි. දේශීය හා ආයුර්වේද වෙදකම්වලදී සුදුලූනු අල කොළ මල් නටු ඇට යන සියලු අංග, ඖෂධ ලෙස යොදා ගන්නවා. එමගින් හදවත් රෝග මෙන්ම ජීර්ණ, ශ්වසන ආසාදන, මුඛ දන්ත රෝග උගුරේ ආබාධ තුවාල කුෂ්ට චර්ම ආබාධ, මාන්දම ස්නායු රෝග පිළිකා වැනි රෝග ගණනාවකට ප්‍රතිකාර කෙරෙනවා.
සුදුළූණු සම නිරෝගි කරන අතර මුහුණෙහි රැලි වැටීම් අවමකර තරුණ පෙනුම දිගුකාලයක් රැක දෙනවා. මානසික ආතතිය දුරු කරනවා. දුම්බීමෙන් පෙණහළු පිළිකා වැළඳීමට ඇති අවදානම සුදුළූණු මගින් 30%කින් අඩුකරගත හැකිබව සඳහන්. ඒ වරින්වර අමුවෙන් ආහාරයට ගැන්මෙන්. සුදුළූණු බිකක් දෙකක් රතුලූනු සමග දිනපතා අමුවෙන් ආහාරයට ගැන්මෙන්, මුඛ උගුර වකුගඩු හා ඩිම්බ කෝෂ පිළිකා වලින් ඈත්විය හැකි බව ඉතාලි ස්විස්ටර්ලන්ත ඒකාබද්ධ පර් යේෂණයකින් හෙළිවී තිබෙනවා. සුදුළූණු මීපැණියෙහි ගිල්වා මඳ කල් තබා ආහාරයට ගැනීමෙන් හදවත් රෝග මල බද්ධය තරබාරුව දුරුවී ඇස් පෙනීම වර්ධනය වන බවත් සිරුර නිරෝගිවී දීර්ඝායුෂ ලැබෙන බවත් සඳහන්. සුදුළූණු බික් 10 ක්, කිරි මිලි ලීටර් 500 ක් හා ජලය මි.ලී. 250’ක් උණුකර සකසා ගන්නා සුදුලූනු කිරි, ආතරයිටිස් කොලෙස්ටරෝල් ඇදුම, ක්ෂය රෝග පාලනයට හිතකර බව සඳහන් වෙනවා. සුදුළූණු වාජීකරණ ගුණයෙන්ද යුක්තයි. එය දෙපක්ෂයටම හිතකරවෙමින් දරු සම්පත් ලබා දෙනවා. එසේම ගැබිණි මවුවරුන්ට ශක්තිමත්වීමටත් දරු උපතින් පසුව නිරෝගිවීමටත් උපකාරිවනවා. ප්‍රසූති වේදනා නිවැරැදිව හඳුනා ගැනීමට සුදුලූනු බැබිල සමග තම්බා දෙනු ලබනවා.
අංකුර ඇදුණු සුදුළූණු වඩාත් ප්‍රතිඔක්සිකාරක ගුණ සහිත බව 2014 අධ්‍යයනයකින් පසු නිකුත්වූ ප්‍රකාශනයක සටහන් වුණා. හර්ද රෝග අධිරුධිර පීඩන රුධිර කැටිගැසීම් ධමනි අවහිරතා ආහාර විෂවීම් ආතරයිටිස් පිළිකා සෛල ආදිය මැඩලීමට ත් ප්‍රතිශක්තිය වැඩීමටත් වඩාත් යෝග්‍යවන්නේ අංකුර ඇදී දින පහක් පමණ ගතවූ සුදුළූණු බව ඉන් පළවෙනවා.
සුදුළූණු කොතෙක් හිතකරවුවත් එය අහිතකරවන අවස්ථාත් තිබෙනවා.
ශල්‍ය කර්මයකට සූදානම්වන විට (සුදුළූණුවල ඇති ලේ තුනීකිරීමේ ශක්තිය නිසා සති දෙකකට පමණ පෙර සිට සුදුළූණු කෑමෙන් වැළකියයුතුවනවා), බැක්ටීරියා නොවන දිලීර ආසාදන ඇතිවිට, අක්ෂි රෝග හා අක්මා රෝගඇති විට, රුධිරපීඩනය අඩු විට.
මේ හැරුණුවිට අනෙකුත් අයට වරින්වර සුදුළූණු වෑංජනය සකසාගැන්මෙන් , හෝ දිනපතා ආහාරයට වෑංජන පිස ගැනීමේදී ඒවාට සුදුලූනු බික් දෙකතුන එකතු කරගැන්මෙන්, හෝ
දිනකට අමු බිකක් දෙකක් නොඉක්මවා ගැනීමෙන් හෝ සුදුළූණු වාසි ලබාගත හැකියි. අම්ලපිත්ත, බඩ දැවීම් ආදියේදී අමුවෙන් කෑම සුදුසු නැහැ. එසේ ම සුදුළූණු වඩා තැම්බීමෙන් එහි ගුණත් හීනවනවා.
බඩ පුරවා දැමීමට වාත වේදනාවට – සුදුළූණුවලට උළුහාල් ටිකක් එක්කර තම්බා බීමෙන් සහනයක් ලබාගත හැකියි, උණ හෙම්බිරිස්සාව හැදුණුවිට
– ඉඟුරු කොත්තමල්ලි සමග සුදුළූණු බික් කීපයක් දමා තමිබා බීමෙන් වැඩි ගුණයක් අත්වෙනවා, දරු උපතකින් පසු ගර්භාෂය පිරිසිදුවීමට හා කිරි එරීමට – සුදුළූණු ගිනි අඟුරුවල පුළුස්සා කිතුල් හකුරු සමග කෑම සුදුසු බව සඳහන්, හිසකේ යාමට – පිළියමක් ලෙස සුදුළූණු යුෂ හිස් කබලේ තවරා පිරිමැදිම සුදුසුයි. ඉන් හිසකේ ගැලවීම නැවතී හොඳින් කොන්ඩය වැවෙන්න පටන් ගන්නවා, දත් කැක්කුමට – සුදුළූණු හොඳින් තලා දතෙහි තැබීම සහන දායකයි, සමේ බිබිලි සෑදුණු විට – සුදුළූණු පෙති බිබිලි මත ඇතිල්ලීමෙන් සුව වෙනවා, සමේ කුරුලෑ හැදුණු විට – සුදුළූණු බික් දෙක තුනක් උණුවතුරෙහි දමා තබා උදෑසන හිස්බඩ බීම ගුණ දෙනවා.
ලිපිය සැකසුම -Indra Rathnay-
(මූලාශ්‍ර හා සේයාරූ – අන්තර්ජාලය පුවත්පත් හා වෛද්‍ය ලේඛන ඇසුරිනි.)
