පිළිකා නසන, ඇස් පෙනීම වර්ධනය කරන, රෝග රැසකට දිව ඔසුවක්වූ වට්ටක්කා ඇට
2,127 Views
වට්ටක්ක කියන්නේ අපේ රටේ සුලබ එළවළුවක්. වට්ටක්කා අතිශය ගුණ දායක එළවළුවක් එගේම බෙහෙතක්. ඒ වගේම තමයි වට්ටක්කා ඇට. ඒවායේ ද අසීමිත ගුණ අඩංගුයි. මේ කියන්න යන්නේ රෝග රැසකට ගුණදෙන වට්ටක්කා ඇට ගැනයි.
වට්ටක්කා ඇට සතු පිළිකා නැසීමේ බලය
මෑතකදී සිදුකළ ස්පාඤ්ඤ අධ්‍යයනයක් මගින් සොයාගෙන තිබෙනවා වට්ටක්කා ඇට තුල පිළිකාව නැසීමේ බලයක් ඇති බව. වට්ටක්කා ඇට තුල අන්තර්ගත වන සංයෝගයන් මගින් පිළිකා සෛල නැසීම සහ විවිධ පිළිකා ඇතිවීමත් වළක්වන බවමෙහිදී සොයාගෙන තිබෙනවා.ආර්තවාභාවය අතරතුර පසුවන කාන්තාවන් වට්ටක්කා ඇට දිනපතා ආහාරයට ගැනීම මගින් පියයුරු පිළිකා ඇතිවීමේ අවධානම 23% දක්වා පහළ බසින බව ජර්මානු අධ්‍යයනයක් මගිනුත් තහවුරු කර තිබෙනවා.
වට්ටක්කා ඇට මගින් රාත්‍රියේදී නින්ද නොයෑමට සුවය
වට්ටක්කා ඇට තුල ශරීරයට අවශ්‍ය වන ඇමයිනෝ අම්ලයක් වන “tryptophan” ඇමයිනෝ අම්ලය අන්තර්ගත වනවා. මෙමගින් ශරීරය තුල සුවදායක නින්දකට අවශ්‍ය කරන හෝමෝන නිසිලෙස නියාමනය කරනු ලබනවා. ඔබත් රාත්‍රියේදී නින්ද නොයෑමෙන් පීඩා විඳිනවා නම් නින්දට යාමට පෙර වට්ටක්කා ඇට අහුරක් ආහාරයට ගන්න. එයින් ඔබේ හෝමෝන නියාමන කර සුවදායක රාත්‍රී නින්ද ඔබට ලබාදේවි.
ඇස් පෙනීම වර්ධනය කරගැනීමට වට්ටක්කා ඇට
ශරීරයේ නිසියාකාර ප්‍රතිශක්තිකරණ පද්ධතියක් වර්ධනය කරගැනීමට අවශ්‍ය වන සින්ක් වට්ටක්කා ඇට සතු වනවා. ඒ වගේම මේ වට්ටක්ක ඇට සතු වන තන්තු, මැන්ගනීස්, පොස්පරස්, ප්‍රෝටීන් සහ පොටෑසියම් නිසා නිරෝගී ඇස් පෙනීමක් අපට ලබා දෙනවා.
ශාකමය ප්‍රෝටීන්
පෝෂණ පිළිබඳ “USDA” දත්ත සමුදායට අනුව වට්ටක්කා ඇට කෝප්පයක් කැලරි 285 කට, ප්‍රෝටීන් ග්‍රෑම් 11.87 කට, මේදය ග්‍රෑම් 12.42 කට සහ තන්තු ග්‍රෑම් 11.8 කට සමාන වනවා. වට්ටක්කා ඇට මගින් ශරීරයට ලැබෙන ප්‍රෝටීන් මස් මාංශ මගින් ලබාගන්නා ප්‍රෝටීන් වලට වඩා වෙනස් වුවත් මෙම ප්‍රෝටීන් වල සෞඛ්‍යය සම්පන්න බව එක හා සමානයි. ඔබ නිර්මාංශ අයෙක් නම් මස් වලින් ලැබෙන ප්‍රෝටීන් ලෙහෙසියෙන්ම වට්ටක්කා ඇට ආහාරයට ගැනීමෙන් ලබාගන්නට පුළුවන්. ඒ වගේම, වට්ටක්කා ඇට ආහාරයට ගැනීම මගින් අනවශ්‍ය ආකාරයට ශරීරයේ මේදය තැම්පත් වීමකින් තොරව සෞඛ්‍යය සම්පන්නව මේදයත් ශරීරයට ලබාගන්නට පුළුවන්.
පොටෑසියම් සමබර කිරීම
අස්ථි වල වහැරීම වැළකීමට, වකුගඩු වල ගල් ඇතිවීම වැළකීමට, අධි රධිර පීඩනය පාලනයට, මාශ පේශී සවිමත් කිරීමට සහ ශරීරයේ තරලයන් සමතුලිත කිරීම වැනි විවිධ ක්‍රියාවන් සඳහා පොටෑසියම් අපේ ශරීරයට අවශ්‍ය වනවා.
“The Institute of Medicine of the National Academies of Science” ආයතනය පෙන්වා දෙන ආකාරයට වැඩිහිටි පුද්ගලයෙක් දිනකට පොටෑසියම් මිලි ග්‍රෑම් 4.700 ක් පමණ ලබාගත යුතු වනවා. කෙසෙල් ගෙඩියක් ආහාරයට ගැනීමෙන් ශරීරයට ලැබෙන පොටෑසියම් ප්‍රමාණය මිලි ග්‍රෑම් 422 පමණ වනවා. නමුත් වට්ටක්කා ඇට කෝප්පයක් ආහාරයට ගැනීමෙන් පොටෑසියම් ග්‍රෑම් 588 පමණ ශරීරයට ලැබෙනවා.
ප්‍රෝස්ටේට් ග්‍රන්ථි වල සෞඛ්‍යය වර්ධනයට
ප්‍රෝස්ටේට් ග්‍රන්ථි විශාල වන රෝගී තත්වයක් වන “prostaic hyperplasia” රෝගයට වට්ටක්කා ඇට ගුණදායක වන බව විවිධ අධ්‍යයනයන් මගින් තහවුරු කර තිබෙනවා. වට්ටක්කා ඇට සතු වන “phytosterols” සංයෝගය මගින් තමයි ප්‍රෝස්ටේට් ග්‍රන්ථි වල ඉදිමුම සමනය කරනු ලබන්නේ.
සතුට වර්ධනය කිරීම
වට්ටක්කා ඇට සතු “L-tryptophan” යන සංයෝගය මගින් විෂාදය වැනි තත්වයන් නසා සතුටුදායී මනෝභාවය වර්ධනය කරන බව එක්තරා සඟරාවක් මගිනුත් ප්‍රකාශයට පත්කර තිබෙනවා.
