කෑම කෑවට පසු වැරදිලාවත් මේ දේවල් නම් කරන්න එපා
652 Views
ලොව බොහෝ පිරිසක් ආහාර ගැනිමෙන් පසු සිදු කරන නරක පුරුදු කිහිපයක් වෛද්‍යවරුන් පෙන්වා දී තිබෙනවා.සමහර පුද්ගලයින් ආහාර ගත් විගස සිදු කරන විවිධ පුරුදු සෞඛ්‍යයට එතරම් හානි නොවන බව සුළුවෙන් තකනවා.නමුත් ඔබ සුළුවෙන් සිතන කරුණු නිසා ඇතිවන බලපෑමේ බරපතල ප්‍රතිඵල ඔබට ලැබෙන්නේ ටික කාලයක් ගිය පසුයි.
ඔබත් මේ කරන ක්‍රියාවන් සිදු කරනවා නම් ආහාර තුළින් ලැබෙන පෝෂණ කොටස් ආදිය අහිමි වී යනවා මෙන්ම විවිධ ආබාධයන්ටද ගොදුරු විය හැකියි.බලන්න එම ක්‍රියාවන් ඔබත් සිදු කරනවාද කියා?
1. තේ පානය කිරීම ඇතැම් පුද්ගලයින් ආහාර ගැනීමෙන් පසු සිදු කිරීමට පුරුදු වී සිටිනවා.ඔවුන් සිතන්නේ තේ පානය කිරීම ආහාර දිරවීම පහසු කරන ක්‍රියාවක් බවයි.එහෙත් ඉන් සිදුවන්නේ ආහාර දිරවීමට බාධා ඇති කිරීම බව පැවසුවොත් ඔබ විශ්වාස කරනවාද? තේ වල ඇති අම්ල කොටස් නිසා ආහාර වල ඇති ප්‍රෝටීන කොටස් දිරවීම පමා කරන අතර රසායනික සංයෝග මගින් ආහාර වල ඇති යකඩ වැනි පෝෂණ කොටස් උරාගනු ලබනවා.ඔබට ආහාර ගැනීමෙන් පසු තේ පානය කිරීමට ආශාවක් තිබෙනවා නම් ආහාර ගැනීමෙන් පැයකට පසු එම ක්‍රියාවලිය සිදු කරන්න.
2. කෑමට පසු දුම්පානය කිරීම කියලා කියන්නෙ බොහෝමයක් පිරිමි පිරිස මුහුණ දී තිබෙන ගැටළුවක්.දුම්පානය ක්‍රීම කිසිසේත් යහපත් පුරුද්දක් නොවන අතර ආහාර ගැනීමෙන් පසු දුම්පානය කිරීම ඉතාමත් භයානක තත්වයක් බව පරීක්ෂණයකින් හෙළි වී තිබෙනවා.එම බලපෑම දුම්වැටි 10ක බලපැඇමට සමාන වන බව තහවුරු වී තිබෙනවා.
3. කෑමට පසු පළතුරු ආහාරයට ගැනීමද හොද නැති බව ප්‍රකාශ කලොත් ඔබ පුදුම වෙයි.පළතුරු ඉතා ඉක්මනින් ජීරණය වීමට ආධාර වනවා වුණත් දිරවීමට කල්ගත වන ආහාරයක් ගත් පසු පළතුරු ආහාරයට ගැනීම නිසා ඒවා වැඩි වෙලාවක් ආමාශයේ හිර වී තිබීම සිදුවනවා.එම නිසා පළතුරු වලින් ලැබෙන නිසි පෝෂණයද නොලැබෙන අතර ආමාශගත ආසාධනයන්ටද ගොදුරු වනවා.මේ සඳහා ඔබ කළ යුත්තේ ආමාශය හිස් වී ඇතිව් විටක පළතුරු ආහාරයට ගැනීමයි. ආහාර ගැනීමෙන් පසු ඇවිදීම අජීරණ තත්ත්වයන්ට මෙන්ම ආමාශයේ අම්ල ගතිය වැඩි වී ආහාර උඩට ඒමට පුළුවන්.ආහාර ගැනීමෙන් පසු විනාඩි 30කට පසු ඇවිදීම වඩා යෝග්‍යය වේ.
4. ආහාර ගත් විගස නින්දට යෑම සෞඛ්‍යයට අහිතකරයි. එහිදී ගෙරවීම සහ හුස්ම ගැනීමේ අපහසුතා ඇතිවිය හැකියි. තරබාරු බව ඇතිවීමටද මෙය බලපානු ලබනවා.ඒ සඳහා ඔබ කළ යුතු වන්නේ ආහාර ගැනීමෙන් පැය දෙකකට පසු නින්දට යෑමයි.
5. ආහාර ගැනීමෙන් පසු සිසිල් ජලය පානය කිරීමද නුසුදුසුයි. වඩා සුදුසු වන්නේ උණුසුම් ආහාර ගැනීමයි.
